Author : Maman Teddy Category : Adventure
yake nufi? You already know my problem Mas'oud! you know dat i am not a complete man, meyasa kuka zaɓi cutar da ita? bazan zauna da ita ba Mas'oud! bazan Zauna da ita ba!!"
Gaba ɗaya cikin ficewar hayyaci SOORAJ ke faɗan maganganun.
Tsananin damuwa ne ya bayyana akan fuskar Mas'oud cikin son kwantarwa da Sooraj hankali yace.
"Kadawo cikin hankalinka Sooraj, kai musulmi ne kasan ƙaddara kuma tana iya sauyawa ako da yaushe, sannan kyakkyawa takan iya zama mummuna, mummuna kuma takan iya zama kyakkyawa, dan Allah Sooraj kada ka aikata abun da zuciyarka ke shirya maka, nasan matsalanka Sooraj nasani amma nasan bazaka taɓa tabbata ahaka ba, nayarda dacewa wannan auren rufin asirine agareka dan Allah RAJ ka tausashi zuciyarka, kadawo cikin nutsuwarka!"
Mas'oud ya faɗi haka idanunsa cike tab da ƙwalla, tabbas ya hango tsananin damuwa da tashin hankali akan fuskar SOORAJ, amma basu da wani zaɓi, tunda Allah ya riga da yayi nasa.
Iska SOORAj ya fesar ta bakinsa tare da rumtse jajayen idanunsa, wani irin azababben ciwon kai yakeji, yayinda yakejin gaba ɗaya duniyar na juya masa, ahankali ya taka tare da ƙarasawa gaban bedsite ɗinsa, cikin zaƙuwa ya buɗe drawer'n bedsite ɗin, wata kwalba ya ciro wanda cikinta ke ɗauke da magani, cikin rufewar ido ya ɓalle murfin kwalban tare da kafa bakin kwalban acikin nasa bakin, arazane Mas'oud yayo kansa daniyar hanasa shan maganin, amma kafun yaƙaraso tuni Sooraj ya shanye maganin tas, cikin zafin nama Mas'oud ya ƙwace kwalban maganin daga hannun Sooraj cikin nuna damuwa yace.
"Please calm down RAJ, dan Allah ka nutsu kada kayiwa kanka illa!"
Kan gado ya faɗa tare da rumtse idanunsa, jiyake kamar zuciyarsa zata fashe, wasu baƙin abubuwane ke ziyartan tunaninsa, akusa dashi Mas'oud ya zauna tare da sanya hannayensa ya rufe fuskarsa, sosai damuwar abokinnasa ke damunsa, musamman yau da yaga gaba ɗaya RAJ ɗin ya fita a hayyacinsa, sai yakeji inama da ba'a haɗa baki dashi wajen ɓoyewa SOORAJ auren ba.
Tarin da Sooraj ɗin keyine yasanya Mas'oud juyowa ya kallesa, wani irin guda gudan jini dayaga yana fita abakin Sooraj ɗinne yasanyashi zaro idanunsa cikin tsananin kaɗuwa yace.
"RAJ dan Allah kada kayiwa kanka illa!"
Wani farin handkerchief yasanya ya goge jinin dake fita abakin sa, cikin ƙarfin hali ya sauƙo daga kan gadon, toilet ya nufa yana shiga ya wanke bakinsa tare da watsawa fuskarsa ruwa, wani irin dishi dishi yake gani yayinda jiri ke neman kadashi, adaddafe yafito daga toilet ɗin, zuwa lokacin baya ko iya ganin gabansa, hayyacinsa ne ke neman barin jikinsa, kan gadonsa ya faɗa, lokaci guda idanunsa suka rufe ruf..
Ganin haka yasanya Mas'oud lulluɓa masa blanket, wayarsa ya ciro ya dannawa Dr.Waleey likitan Sooraj ɗin ƙira, bayanin komai yayi masa, nan Dr.Waleey yace gashinan zuwa, mintuna kaɗan saiga Dr.Waleey yaƙaraso gidan, duƙufa yayi sosai akan Sooraj ɗin wajen gano matsalarsa, ganin cewa maganin da Sooraj ɗin yasha yana da illa sosai ne yasanyashi yi masa wata allura wanda zata sauƙaƙawa jikinsa wajen gusar da duk wata wahala,
kallon Mas'oud Dr.Waleey yayi cikin kulawa yace.
" Wani abu ya ɓata masa rai ne?"
Ajiyar zuciya Mas'oud yayi tare da jinjina kansa alamar.
"Eh"
Cikin tausayawa Dr.Waleey yace.
"Ciwonsa yayi worse yakamata kuna kiyaye ɓacin rai ko wani abu da zai na taɓa zuciyarsa, sannan yana da buƙatar kulawa ta musamman"
ajiyar zuciya ya sauƙe haɗe da cigaba da cewa.
"Ina tsananin tausayin Sooraj Mas'oud, saboda Allah ya haɗasa da ƙaddarori masu girma, saidai ina masa fatan samun sauƙi akoda yaushe"
Wasu magunguna ya ciro daga cikin jakarsa kana ya miƙawa Mas'oud, cikin kulawa yace. "Idan yatashi katabbatar yasha waƴannan magungunan zasu taimaka sosai!"
Kai Mas'oud ya jinjina tare da yiwa Dr.Waleey godiya daga haka sukayi sallama, zama Mas'oud yayi akan wata lallausan kujera dake cikin ɗakin tare da kai dubansa ga Sooraj wanda ke kwance kamar gawa, wani irin hawayene suka cika idanun Mas'oud har suka samu daman gangarowa, bayansa ya jingina da jikin kujera tare da lumshe idanunsa.
Ahankali idanunta ke buɗewa harta gama waresu tas, tashi zaune tayi tare da kai dubanta ga cannula'n dake ɗaure a tsintsiyar hannunta, bayanta ta jingina da jikin gadon da take kwance, ahankali hayaniyan jama'an da suka cika gidan ke ratsawa cikin kunnuwanta, sake lumshe idanunta tayi yayinda wasu siraran hawaye suka samu daman gangarowa daga cikin idanunta, hannunta takai ta dafe saitin zuciyarta dakeyi mata zafi, daidai lokacin aka turo ƙofar ɗakin nata, da sauri tasanya bayan hannunta ta share hawayen nata,
Oummu da Aunty Laylerh ne suka shigo cikin ɗakin, ganinta azaune yasanya murmushi bayyana akan fuskarsu,
cike da kulawa Oummu tace "Sannu Zieyaderh kintashi ya jikin?"
Cikin sassanyar muryarta wacce ke ɗauke da zallan damuwa tace "Da sauƙi!"
Aunty Laylerh ne ta zauna akan gadon tare da ɗan taɓa jikin Zieyaderh'n cikin kulawa tace "Masha Allah zafin jikin ya sauƙa, yanzu me kikeji ajikin naki?"
Ita kanta bazata iya tantance me takejiba saboda ciwon ba ajikinta yake ba azuciyarta yake, rashin sanin abun da zatace yasanya kawai ta nuna kanta, cikin kulawa Aunty Laylerh tace "Sannu ko"
Duban Oummu tayi tare da cewa, takawowa Zieyaderh'n tea me kauri da abinci idan taci sai tasha magani, hakan kuwa akayi Oummu da kanta ta haɗa mata tea da kuma pepper chicken, Aunty Laylerh da kanta tasanya Zieyaderh agaba akan cewa lalle dole sai tasha tea din, duk da cewa batajin daɗin bakinta haka dole ta daure taɗansha tea ɗin kaɗan, koda ta nuna ta ƙoshi Aunty Laylerh da kanta tashiga bata naman abaki, da ƙyar ta iya cin kaɗan ta kauda kanta gefe alaman ta ƙoshi,
shigowar Aunty Muhibbat cikin ɗakinne yasanya Aunty Laylerh cewa takai Zieyaderh'n tasakeyin wanka daganan sai a shiryata tunda dai sunga jikinnata daɗan sauƙi, wani irin ingantaccen ruwa wanda yaji haɗaɗɗen turaren wanka Aunty Muhibbat ta haɗa mata, ahankali take takawa saboda gaba ɗaya jikinta ba ƙarfi, toilet ɗin ta shiga tare da zare rigar jikinta, dayake ruwan nada ɗan ɗumi hakan yasa ta kwanta lif acikinsa, wani irin ajiyar zuciya ta sauƙe tana mejin wani sabon yanayi nashiga jikinta, cikin rashin kuzari haɗi da kasala tayi wankan inda gaba ɗaya jikinta yasake gaurayewa da daddaɗan ƙamshi, alwalan sallan Azahar tayi kana fito daga cikin toilet ɗin, cikin ɗan kuzarin daya rage mata yayi sallah inda Oummu ta taturo Bilkh don ta gyarata. Kasancewar bata wani jin daɗi yasanya Bilkh yi mata light meckup, hakan kuwa baƙaramin fito da kyawunta yayi ba, wani haɗaɗɗen lace wanda yaji ɗinkin doguwar riga fitted gown tasanya, sosai leshin ya amshi jikinta kasancewar lace ɗin nada kalan ja, hakan yasa Bilkh ta naɗa mata ƙaton white vail ajikinta mai adon jan duwatsu, sosai tayi kyau, saidai ƴar rama kaɗan data bayyana ajikinta, yanayin yanda bilkh ta naɗa mata mayafinne yasanya yaɗan rufe rabin fuskarta kaɗan, Aunty Muhibbat ce tariƙota suka fice daga cikin ɗakin, kaitsaye ɗakin Oummu suka nufa, Oummu ce ita kaɗai zaune akan gado, akusa da ƙafan Oummu Aunty Muhibbat ta ajiyeta kana ta juya ta fice daga cikin ɗakin, cikin nutsuwa Oummu ta ɗago Zieyaderh kana ta kawota kusa da ita, cikin tsananin kulawa tace.
"Cikar mutumcin ko wacce ƴa mace shine aure, haka kuma duk wata ƴa mace tana sanin ƙima da darajar kanta ne aduk lokacin da tayi aure, kamar yanda kika sani yau anɗaura miki aure saboda haka kin tashi daga sunan budurwa kin zama matar aure" ɗan numfasawa Oummu tayi tare da kamo hannuwan Zieyaderh cike da tausayawa tace
"Kigafarceni Zieyaderh, haƙiƙa ban aikata haka daniyar son zuciya ba, nayi hakane saboda inganta rayuwarku ku duka biyun, nakumayi hakanne amatsayina na uwa mai son cigaban ƴaƴanta, bansan yazakiji ba amma yazama dole na faɗa miki" sake hannun Zieyaderh'n tayi tare da sanya hannu ta ɗan ɗage mayafin dake kan Zieyaderh'n, hakan yasanya Zieyaderh taɗan ɗago ta kalleta, cikin kulawa Oummu tace.
"Anɗaura aurenki yau saidai kuma bada Almustapha aka ɗaura ba, kamar yanda kike tunani, nasan zakiji abun wani iri amma ƙaddara ta riga fata!"
Ɗago idanunta dake cike da mamaki tayi ta kalli Oummu, hannunta Oummu tasake kamawa cikin son kwantar mata da hankali tace
"Ƙwarai bada Almustapha aka ɗaura miki aure ba, dan Allah Zieyaderh kiyi haƙuri ki karɓi wannan ƙaddaran!"
Kan Zieyaderh ne ya ɗaure sosai don sam takasa fahimtan inda kalaman Oummu suka dosa, cikin sarƙewar murya tace "Oummu Nayarda da ƙaddara me kyau da kuma akasinta"
Ajiyar zuciya Oummu ta sauƙe tare da dafa shoulder ɗinta, cikin rauni tace
"Yana da buƙatarki acikin rayuwarsa, haƙiƙa nasan SOORAJ yana da damuwa yana kuma da buƙatar mai magance masa wannan damuwan, kiyi haƙuri ki karɓeshi amatsayin mijinki!"
Azabure Zieyaderh ta matsa baya tare da zaro idanunta cikin wani irin kaɗuwa ta soma jijjiga kanta yayinda gaba ɗaya jikinta ya ɗauki rawa, jin sauƙan kalaman Oummun tayi tamkar sauƙan aradu acikin kunnuwanta, ganin yanda ta firgice yasanya Oummu kamo hannuwanta cikin sanyin murya tace "Nasan zakiji ba daɗi, sannan nasan bamu kyauta miki ba amma ya zamuyi ki ɗauka wannan tsarin Allah ne bana muba, dan Allah Zieyaderh ki riƙi aurennan amatsayin ƙaddaranki"
tuni idanun Oummu sun cicciko da ƙwalla. Rungume Oummu Zieyaderh tayi tare da sakin wani irin fitinannen kuka, kuka sosai takeyi yayinda gaba ɗaya jikinta ke karkarawa, jin Oummun takeyi kamar uwa mahaifiya agareta, cikin kuka tace "Kidaina roƙona Oummu ke uwace agareni kodawa kika haɗani bazan gujeba, bazan bijiremiki ba Oummu bazan taɓa gujewa hukuncinki agareni ba!!"
ta faɗi maganar tana me sakin sheshheƙan kuka, wasu irin hawayene suka sauƙo daga cikin idanun Oummu tabbas saiyanzu taƙara tabbatar da cewa batayiwa ɗan nata zaɓen tumun dare ba, wani irin ƙwarin guiwa da farincikin samun Zieyaderh amatsayi suruka da tayi tasanya hannunta akan bayan Zieyaderh dake kuka ahankali take shafa mata bayannata tare da cewa. "Nagode sosai Zieyaderh Allah yayi miki albarka!"
Zaunar da Zieyaderh'n tayi akan gadonta tare da soma ƙoƙarin share mata hawayen dake gudana akan fuskarta, cikin so da ƙaunarta tace "Ya isa haka kwanta ki huta kada ciwon kai ya kama ki!" a irin halin da take ciki batajin zata iyayiwa Oummu musu,luf ta kwanta akan gadon Oummu'n tare da cusa kanta acikin pillow, Oummu ce tafita aɗakin don amsa ƙiran wayan da akeyi mata, tanajin ficewar Oummu aɗakin tasaki wani sabon kuka mai tsuma zuciya kuka takeyi sosai wanda har saida numfashinta yasoma ƙoƙarin ɗaukewa, gaba ɗaya tunani da nutsuwa sun gudu daga gareta, jin motsin kamar za a bude ƙofar ɗakin ne yasanyata haɗiye kukanta tare da rufe idanunta, yanayin yanda zuciyarta ke bugawa yasanya ta sake cusa kanta acikin pillow'n, ajiyar zuciya da numfashi take ta sauƙewa ahankali, cikin ɗan ƙanƙanin lokaci bacci ɓarawo yayi gaba da ita.
Tunda ya kwanta bai tashiba sai ƙarfe 4, da wani irin zazzafan zazzaɓi ya buɗe idanunsa yayinda yakejin gaba ɗaya komai na duniya bayayi masa daɗi, lumshe rinannun jajayen idanunsa yayi tare da ɗan yunƙurawa, cikin ɗan kuzarin daya rage masa ya zuro da ƙafafunsa ƙasa, koda ya miƙe tsaye wani luuuu haka yaji tamkar wanda zai faɗi, adaddafe ya nufi bathroom ɗinsa. Shower ya kunna tare da sanya hannunsa gaba ɗaya ya dafe bango, lumshe idanunsa yayi tare da sakin ajiyar zuciya, sauƙan ruwan shower ɗin akansa ba ƙaramin nutsuwa ya samar masa ba, sake gyara tsayuwarsa yayi still hannayensa dafe da bango ya lumshe kwawawan idanunsa, sannu ahankali komai ke dawowa cikin ƙwaƙwalwarsa, sai yanzu yakejin nutsuwar yin tunani, wani irin saliva me ɗaci ya haɗiya amaƙoshinsa, tabbas ƘADDARA tayi masa sauyi irin wanda bai zata ba, kusan minti 20 ya ɗauka agaban shower'n ruwa na dukan pure skin ɗinsa, jikinsa ya janye kana ya kashe shower'n, gaban sink ya ƙarasa tare da ɗauro alwala.
Cikin wani tsadadden getzner blue colour ya shirya kansa, wanda yaji ɗinkin half jumper, sosai kayan sukayiwa jikinsa kyau, sallaya ya shumfuɗa inda ya gabatar da sallan La'asar, wanda baisamu daman yiba sakamakon bacci da yake. Wayoyinsa ya tura acikin aljihun wandonsa, ɗan jim yayi tare da jingina bayansa da jikin bango, wani irin sarawa kansa keyi masa yayinda zazzaɓi ke ƙara cin ƙarfin jikinsa, idanunsa da ako yaushe suke farare ƙal sai gashi yau gaba ɗaya sun sauya kala sun koma launin ja, key ɗin motarsa ya ɗauka inda ya murɗa handle ɗin ƙofar ya fice, mercedes ɗinsa ya buɗe ya shiga, kansa ya kifa ajikin steering motar tare da fesar da wani irin numfashi, wayarsa ce takawo haske alaman shigowar saƙo, ganin sunan Oummu yasanyashi shiga cikin saƙon. _"Kozo cikin gaggawa inason ganinka!"_ shine abun da aka rubuta acikin saƙon,
Murza key ɗin motar yayi tare dayin reverse, maigadi ne ya wangale masa gate ya tura hancin motar tasa waje.
Gudu sosai yakeyi akan titin wanda shikansa baisan dacewa gudu yakeyi ba domin gaba ɗaya nutsuwarsa bata jikinsa, gawani irin ciwon kai dake addabarsa kamar kansa zai rabe gida biyu haka yakeji.
Tashinta kenan daga baccin da tayi, wani sabon zazzaɓine yasake rufeta saidai na yanzu baikai na ɗazu ba, hakan kuma yana da nasaba da kukan da tasha ta ƙoshi, Aunty Muhibbat ce ta tursasata akan cewa taje bathroom ɗin Oummu tayi wanka tazo ashiryata don anjima da dare za'a damƙata ga Mijinta, badon tasoma haka Aunty Muhibbat tasata agaba harcikin toilet suka shiga ta haɗa mata ruwan wanka, cikin rashin kuzari tayi wanka yayinda ta ɗaura wani farin towel ajikinta, kwata kwata iya cinyarta towel ɗin ya tsaya, hannunta tasa ta dafe kanta sakamakon tunowa da cewa tabar kayanta akan gadon Oummu, sannan kunya bazai barta tafita da wannan ɗan ƙaramin towel ɗin ba.
Daga waje yayi parking motarsa inda yashiga cikin gidannasu da ƙafafunsa dayake magriba ta kawo kai sannan gaba ɗaya mutanen da suka zo bikin suna ɗayan ɓangaren dake cikin gidannasu hakan yasa kai tsaye ya wuce ɓangaren Oummu ganin bai ganta afalo bane yasanyashi haurawa sama kaitsaye.
Ahankali taɗan buɗe ƙofar ban ɗakin ta leƙo kanta, ganin babu kowa acikin ɗakinne yasanyata fitowa cikin sauri batare da ta tsaya goge ƙafanta dake ɗigan ruwa ba,
yana zuwa ya ɗaura hannunsa akan handle ɗin ƙofar tare da turata ciki, daidai lokacin ita kuma ta kawo tsakiyan ɗakin jin motsin taɓa ƙofa yasanya ta juyo arazane bisa tsautsayi ruwan dake ƙafanta ya gogi tiles take tsantsin tiles ɗin ya ɗebeta wani irin ƙara ta sake yayinda towel ɗin dake jikinta ya zame yayi ƙasa.
*Vote*
*And*
*Comment*
fatymasardauna
🍇🍇🍇🍇🍇🍇🍇🍇🍇🍇
*SOORAJ !!!*
*Written By*
Phatymasardauna
*Dedicated To My Life (Sardauna)*
*WATTPAD*
@fatymasardauna
#romance
*Chapter 45*
Wani irin ƙara ta sake yayinda towel ɗin jikinta ya zame ya faɗi ƙasa, cikin tsautsayi ƙafanta ya bugi jikin gado, suuuuu haka tatafi zata faɗi, cikin abun da baiwuce 1 second ba ya ƙaraso cikin ɗakin, da sauri yaƙarasa tare da sanya duka hannayensa biyu ya tarota, inda ya zube ƙasa kan guiwowinsa, cikin tsananin tsautsayin dake jansa ya sauƙe idanunsa akan naked pure white breast ɗinta, da sauri ya rumtse idanunsa yayinda lokaci guda yaji tamkar andoka masa guduma atsakiyar kansa, gaba ɗaya jikinsa ne ya soma ɓari,
Ita kuwa Zieyaderh tamkar wata matacciya haka gaba ɗaya jikinta ya sandare, yayinda ta kulle idanunta ƙaƙam, cikin tsananin tsoron dake ɗawainiya da zuciyarta haɗi da fusgewar numfashi ta ɗan buɗe idanunta kaɗan, wani irin ƙara tasake sakamakon ganin fuskarsa da tayi, cikin tsananin ruɗewa haɗi da zabura ta tashi daga jikinsa,
aruɗe ta soma ƙoƙarin neman towel ɗinta daya faɗi, don suturce jikinta, irin yanayin ruɗewan da tayi yasanya takasa ganin towel ɗin, wanda kuma yashe yake agabanta, cikin hanzari ta jawo blanket ɗin dake kan gadon na Oummu ta rufe gaba ɗaya jikinta dashi, zamewa ƙasa tayi tare da sakin wani irin marayan kuka wanda ke ɗauke da tsananin takaici da kuma haushin kanta, wata fitinanniyar kunyace gaba ɗaya ta rufeta.
Jin diran sautin kukanta da yayi acikin kunnuwansa, yasanyashi miƙewa daga durƙuson dayayi, cikin dauriya dason kawar da zazzafan ciwon kan daya kawo maza cafka lokaci guda, ya juya tare da nufan hanyar barin ɗakin.
Kasancewar har yanzu idanunsa arufe suke, hakan yasanya sam baikula da Oummu da kuma Aunty Muhibbat dake ƙoƙarin shigowa cikin ɗakin ba,
jin cewa yayi karo da mutum ne yasanyashi saurin buɗe idanunsa, nan ya sauƙe su akan fuskar Oummu dake tsaye tana kallonsa, kansa ya sunkuyar ƙasa tare da raɓawa ta gefenta zai wuce, cike da mamakin yanda idanunsa sukai jajur Oummu tace.
"Kajirani a falon ƙasa".
Kansa kawai ya jinjina mata alaman. "To"
Ahankali yashiga taka matattakalan da zai sadasa da falon ƙasan.
Oummu kuwa dubanta takai ga Aunty Muhibbat, gane abun da Oummun ke nufi yasanya Aunty Muhibbat murɗa handle ɗin ƙofar ɗakin ta shiga da sauri, don ta duba Zieyaderh wacce sautin kukanta ke ratsa kunnuwansu.
Oummu kuwa juyawa tayi tare da fasa shiga ɗakin, kaitsaye tanufi matattakala don sauƙa ƙasa.
Da auri Aunty Muhibbat ta ƙaraso inda Zieyaderh'n ke zaune, yayinda ta takure jikinta waje ɗaya acikin blanket tana kuka.
Kallon towel ɗin dake ƙasa Aunty Muhibbat tayi tare da sakin murmushi, cikin kulawa ta zauna akan gado tare da sanya hannu ta dafa kafaɗa Zieyaderh.
"Jikinne har yanzu?" ta tambaya tana me ƙoƙarin jawota ta zaunar da ita akan gadon Oummu.
Jin muryar Aunty Muhibbat acikin kunnuwanta, yasanyata sake ɓoye kanta acikin blanket, tare da ƙara sautin kukanta.
Still murmushi Aunty Muhibbat tayi cikin rarrashi tace.
"Kukan ya isa haka, ko so kike kanki yayi miki ciwo? maza tashi ki sa kayanki kinji, ko SOORAJ yayi miki wani abune?" Aunty Muhibbat ta tambaya.
Cikin sheshsheƙan kuka tagirgiza kanta alaman.
"A'a"
Murmushi Aunty Muhibbat tayi tare da cewa.
"To tashi kisa kayanki, ko so kike kowa yazo yana ganinki ba kaya?"
Cikin nutsuwa Oummu ta kai dubanta garesa, murya asanyaye ta ƙira sunanshi.
Amsa mata kawai yayi batare daya ɗago kansa ya dubeta ba.
Cikin kulawa ta gyara zamanta tare da cewa.
"Duk da wannan bashine karo na farko da muka fara yi maka aure ba, amma inaso kasancewa wannan auren daban yake da sauran, bandamu ba koda zakaji cewa hakan da
